26-åring blir driftssjef i Ervik Group

Emma Wold Haugland (26) er ny driftssjef i Ervik Group, melder fiskerikonsernet på sosiale medier. 

Frank Roger Aarsheim som har hatt stillinga sidan 2021, overlèt dermed roret til yngre krefter. 

– Valet av kven som skulle overta rolla som driftssjef var ikkje vanskeleg for oss i Ervik Group, skriv selskapet i ei melding. 

Haugland kom første gong til Ervik Group som student i praksis gjennom shipping management-utdanninga i Ålesund i 2020. 

– Vi merka raskt at dette var ei kunnskapsrik og flink dame vi gjerne ville ha med på laget. Etter endt utdanning starta ho hos oss som driftsassistent hausten 2021. Etter å ha vist solid innsats gjennom fleire år, er vi glade for at ho no går inn i rolla som driftssjef, heiter det vidare i meldinga.