Ferjebråket: Støre og Vestre beklagar

(NPK-NTB): Statsminister Jonas Gahr Støre og helseminister Jan Christian Vestre (Ap) beklagar fleire utsegner dei kom med i valkampen, mellom anna om gratis ferje.

VG skreiv fredag at Støre overfor lokalavisa Øyposten hadde lova at ordninga med gratis ferje ville førast vidare om regjeringa vann valet. I forslaget til statsbudsjett er ordninga fjerna, og det er heller foreslått rabattert ferje.

– Svaret mitt i Øyposten vart feil, og det ber eg om unnskyldning for. Eg burde heller sagt at det viktigaste for Arbeidarpartiet er rimelege ferjeprisar, og ikkje sagt gratis ferje ettersom vi foreslår å endre den ordninga i statsbudsjettet som vi la fram denne veka, skriv Støre til VG.