Børsdagen: Nedtur før reparasjonsemisjon

Oppdrettselskapet med hovudkontoradresse på Vestnes og landbaserte oppdrettsanlegg ved Miami i USA henta tidlegare i sommar inn 1,2 milliardar kroner i ein såkalla retta emisjon.

Ein retta emisjon er ikkje open for alle, og no får aksjonærane som ikkje fekk vere med på den store kapitalutviding sjansen i ein såkalla reparasjon, der de skal delast ut inntil ni millionar nye aksjar.

Melding om kapitalutvidinga, som mellom anna medfører at eksisterande aksjonærar får ein litt mindre andel i selskapet, såg ikkje an til å slå an blant investorane. Kursen fall 4,96 prosent samanlikna med sluttkurs i går.

Les børsmelding frå Atlantic Sapphire her

Seks andre selskap på NETT NO sin liste (sjå tabell) hadde også kursfall i dag. Kursen steig hos sju selskap, med Golden Energy Offshore Services på topp.

Hovudindeksen på børsen gjekk ned 0,52 prosent.

Sparebanken Vest, som opna kontor i Ålesund i fjor, har lagt fram halvårstala for 2022.

Banken hadde 2,4 milliardar kroner i inntekter (2,1) og 1,6 milliardar i resultat før skatt (1,4) i første halvår. (Tilsvarande tal for same periode i 2021 står i parantes).

Utlånsveksten i personmarknaden er på 10,8 prosent, og 13,7 prosent i bedriftsmarknaden i siste 12-månadarsperiode.

Les børsmelding frå Sparebanken Vest her

Sparebanken Sogn og Fjordane hadde 620 millionar kroner i inntekter (610) i inntekter og 374 millionar i resultat før skatt (367) i første halvår 2020 viser delårsrapporten banken har lagt fram i dag. (Tilsvarande tal for same periode i 2021 står i parantes).

I den siste 12-månadersperioden har Sparebanken Sogn og Fjordane ein utlånsvekst på 7,3 prosent til private og 3,8 prosent i bedriftsmarknaden.

Les børsmelding frå Sparebanken Sogn og Fjordane her