Børsdagen: Ny vekst, tosifra millionunderskot

Sjå sluttkursar for dei børsnoterte selskapa frå Nordvestlandet under

I fjor auka Hofseth Biocare inntektene med 22 prosent samanlikna med året før, med god hjelp av 45 prosent vekst i fjerde kvartal 2024 samanlikna med fjerde kvartal 2023.

Inntektsveksten i første kvartal i år var 16 prosent, samanlikna med første kvartal i fjor. Underskotet i høve til inntektene krympar litt (sjå tabell), men utgjer over femti øre i minus  for kvar kroner selskapet fekk i inntekt (sjå tabell).

Les børsmelding her

Då børsen opna fredag fall aksjekursen i selskapet over 10,26 prosent, til 2,10 kroner aksjen. Det er likevel 23,5 prosent høgare enn ved starten av 2025.

På slutten av dagen henta den seg inn og enda på 2,40 kroner - 2,56 prosent i pluss.

Hofseth Biocare lagar helsekost- og kjæledyrfôrprodukt basert på avskjer og restråstoff frå oppdrettsnæringa. I tillegg arbeider selskaper med å utvikle produkt som kan få godkjenning som legemiddel.

Hovudkontoret ligg i Ålesund medan produksjonen skjer i Midsund og på Berkåk.

Selskapa Hofseth International og RH Industri eig til saman 35,3 prosent av Hofseth Biocare. Roger Hofseth er medeigar og styreleiar i det første selskapet og eineeigar i det andre. 

Børstabell for Nordvestlandet: