Eks-sentralbanksjef analyserer Trump-effekten

Gjedrem skal snakke på Sparebanken Møres investorseminar "Børs og Bacalao" 8. februar. Med forventingane til utviklinga i amerikansk økonomi som tema blir det truleg ei vurdering av Donald Trump-effekten på økonomien med på kjøpet.
Trump har signalisert ei meir proteksjonistisk linje, har allereie trekt USA ut av forhandlingane om ei fleirnasjonal handelsavtale i Stillehavet og varsla at handelsavtalen med Canada og Mexico skal reforhandlast.
"Børs og Bacalao" blir i år arrangert for 11. gang og har dei siste åra operert med ventelister til arrangementet i kantine- og inngangshallen i NMK-bygget i Ålesund.

Statsministeren til Brattvåg

I veka etter konkurrerer statsminister Erna Solberg med Rolls-Royce Marine-sjef Mikael Makinen om å vere det største trekkplasteret på Brattvågkonferansen.

Haramskonferansen er retta spesielt mot industrien, og Norsk Industri-direktør Knut Sunde kjem for å presenter ferske målingar om investeringsvilje og stemning i industribedriftene.
Artikkelen blir oppdatert med lenker til konferansane.

Slutt for Ålesundskonferansen

Den årlege Næringskonferansen Søre Sunnmøre i Ørsta har etablert seg som ein møteplass spesielt for næringslivet på Søre Sunnmøre. Fullt hus har vore regelen dei siste åra, slik som med resten av arrangementa som er lista opp i denne artikkelen (les oversikt i slutten av artikkelen).
Den einaste næringskonferansen som har vore på retur er BIs olje- og offshorekonferansen i Ålesund, som fekk halvert besøket frå 2014 til 2016. I fjor bestemte BI seg for å avvikle Ålesundskonferansen.

Nykomar på Giske

Medan ein oljeorientert konferansen forsvinn kjem ein fiskeorientert konferanse inn. Årets nykomar i næringskonferansemarknaden i nordvest er fiskerikonferansen på Giske.
Bak arrangementet står aktørar i fiskeribransjen i Giske, Giske kommune og festivalarrangøren Momentium. Konferansen rette blikket mot konsekvensane av innovasjon, teknologi og ny marknadstenking i bransjen.
Innotown-konferansen hadde spissa programmet inn mot eitt tema i fjor, den nye teknologien og konsekvensane av den. I år vil programmet famne vidare er alt Innotown-sjef Dag Lausund førebels vil røpe om innhaldet.
Også Sparebank 1 SMNs Næringdrivkonferanse og Fosnavågkonferansen - begge i juni - har samla fulle hus dei siste åra, men har førebels ikkje landa det endlege programmet.

Tema: Utviklinga i amerikansk økonomi og konsekvensar for verdsøkonomienTrekkplaster: Tidlegare sentralbanksjef Svein Gjedrem Arrangør: Sparebanken MøreStad: Ålesund

Tema: Omstilling i regionenTrekkplaster: Statsminister Erna Solberg, Rolls-Royce Marine-sjef Mikael MakinenArrangør: Haram Nærings og InnovasjonsforumStad: Brattvåg

Tema: Ikkje offentleggjortTrekkplaster: Ikkje offentleggjortArrangør: Ørsta Næringskontor/Sparebank 1 Søre SunnmøreStad: Ørsta

Tema: Teknologi- og innovasjonsorientert fiskerikonferanseArrangør: Momentium, Giske kommune og aktørar i fiskerinæringaStad: Øygardshallen, Giske.

Tema: Programmet er ikkje offentleggjortTrekkplaster: Programmet er ikkje offentleggjort Arrangør: InnoTown asStad: Ålesund

Fredag 16. juni: Nærings

driv (ikkje på nett enno)

Tema: Nye forretningsmodellarTrekkplaster: Programmet er ikkje offentleggjort enno Arrangør: Sparebank 1 SMNStad: Ålesund

Torsdag 15. eller 22 juni: Fosnavågkonferansen (ikkje på nett enno)

Tema: Ikkje bestemtTrekkplaster: Ikkje bestemtArrangør: Herøy NæringsforumStad: Fosnavåg