ANALYSELeiarane i skipsutstyrsbedriftene trur den teknologiske utviklinga og nye måtar på drive forretning på vil auke endringstakta i industrien. Det store fleirtalet trur også at deira bedrifter vil tene på endringane. Dei som fryktar som det skal bli verre er altså eit lite mindretal, viser den årlege kartlegginga av tilstanden hos skipsutstyrleverandørane som Menon Economics publiserte under Verftskonferansen 2017 i Ålesund denne veka.Christian Svane Mellbye som har ført Menon-rapporten i pennen peikar på at tala ikke berre viser at det store fleirtalet er optimistiske og positive til ny teknologi og nye forretningsmodellar.Dei kan også tolkast som ei undervurdering av, eller manglande merksemd på faren som følgje med ny teknologi. I andre bransjar ser vi at digitalisering har skapt nokre få selskap som får ei dominerande rolle, medan mange små og mellomstore bedrifter kjempar for å kunne konkurrere, heiter det i rapporten.Det Menon Economics peikar på her er mellom anna selskap som Google, Amazon og Facebook i løpet av få år som er blitt heilt dominerande på sine felt, i alle fall i den vestlege verda.Google har til og med blitt til eit verb, å google. Unødvendig å seie kvar for søkemotor du brukar då. Teknologien opnar for ei vinnaren-tek-alt-utvikling. Spør deg sjølv, kor mange søkemotorar vil du ha? Poenget for brukarane er å finne informasjon, ikkje søkemotoren i seg sjølv, og då er det greit å halde seg til den som er best. Det same er tilfelle med sosiale media, det er praktisk med få kanalar om du vil nå eit breitt publikum.Svane Mellbye peikar på at det som har skjedd med søkemotorar, ehandel og sosiale media også kan få sin paralell i skipsutstyrsindustrien.Både Rolls-Royce Marine og Kongsberg arbeider for å utvikle sjølvstyrte eller fjernstyrte skip, og med ei teknologi som gjer det råd å samle inn og analyserer uhorvlege mengder data for alle slags duppedittar ombord i skipa.Kva konsekvensar får det for alle dei mindre aktørane i bransjen når dei store sit med all denne dataen? Vi dei få tilgang og nytte av det som blir samla inn, eller vil dei store lokomotiva i bransjen sitte med alt sjølv, og dermed kunne utvikle og utvide eit forsprang til resten av bransjen og blir enda meir dominerande?Slike spørsmål er verdt å tenke over etterkvart som små sensorar kan festast på nær sagt alt, og samle data som både gjer vedlikhald meir effektivt og gir informasjon som kan brukast til å forbetre produkta dine.Strategien, slik Menon ser det, er at mindre og mellomstore bedrifter må satse på spesialisering og nisjer i marknaden for å stå i mot det som populært blir kalla digitalisering.Mange bur seg og på nye tider, og det kan tolkast slik at bedriftene ikkje berre trur dei vil tene på digitalisering og ny teknologi - dei forstår og at dei må ta grep for å kunne få innfridd forventingane sine.Spørreundersøkelsen som er ein del av grunnlaget for Menonrapporten viser at mange bedrifter har byrja å tilsette folk med digital kompetanse.45 prosent svarar at dei gjer dette i større eller mindre grad. Berre åtte prosent svarar at dei ikkje har gjort nokon endringar. Kombinasjonen av positive forventinger og at digital kompetanse blir henta inn til bedriftene er eit positivt teikn, slik Menon ser det. Her er alle artiklane NETT NO har publisert i samband med Verftskonferansen 2017, i omvendt kronologisk rekkefølge: