Alle tilbake på jobb

Skroget til til Acta Marine sitt nybygg, Acta Auriga, er på plass i dokken hos Ulstein Verft. Skipet er eit serviceskip for offshore vindkraftanlegg og kontrakten blei inngått i januar i år. Utrustingsarbeidet betyr mellom anna at alle permitterte er tilbake i arbeid.
Arbeidsstokken på Ulstein Verft og i Ulstein Elektorinstaillasjon er gradvis auka etter at verftet fekk nye kontraktar i januar i år. Mandag kjem dei aller siste som har vore permittert attende på jobb.
Til saman har dei to selskapa 270 tilsette, og på det meste var 125 personar permitterte.

Skipet er 93,4 meter langt og 18 meter breitt, og kan huse opp til 120 personar. Skipet skal leverast i mars 2018.
Fartyet er utstyrt med Ulsteins karakteristiske X-Bow og også hekken X-Stern, som gjer at det kan snu seg mot bølgjene både med baugen og akterenden.
Det blir bygd og utrusta for å brukast både under bygging og vedlikehald av vindfarmar til havs. Mannskap som skal entre offshore vindanlegg får gå på ei gangbru som justerer seg etter bølgjene.
Designet har fått namnet SX195.