Børsdagen: Opptur for Sparebanken Møre
Sidan 24. november i fjor har kursen for eignekapitalbevisa i Sparebanken Møre stige over 22 prosent.
I førre veke passerte kursen i Sparebanken Møre 90 kroner for første gang sidan april 2022. I dag steig kursen 0,11 prosent samanlikna med fredag ettermiddag i førre veke, til 90 kroner.
Frå mars 2009 til 27 januar 2022 vart eigenkapitalbevisa i Sparebanken Møre nesten fire gangar meir verdt. Undervegs hadde kursen tre store nedturar, men botna kva gang ut og snudde oppover på eit høgare nivå enn ved førre nedtur.
Toppen vart nådd med 97,2 kroner per eigenkapitalbevis 27. januar 2022. Fasit då 2022 var omme var ein svak negativ kursutvikling, akkurat som i fjor.
Både i 2022 og 2023 nådde Sparebanken Møre-kursen årstoppen tidleg på året, No gjenstår det å sjå om det skjer også i år, eller om oppgangen vil halde fram.
| Børsdagen | ||
| Selskap | Kurs i kroner | %-Endring i dag |
| Havila Shipping | 3,79 | 5,28 % |
| Havila Kystruten | 0,71 | 2,90 % |
| Endúr | 41,20 | 2,23 % |
| Hexagon Purus | 5,95 | 1,88 % |
| Hav Group | 9,78 | 1,24 % |
| Sparebanken Møre | 90,00 | 0,11 % |
| Romsdal Sparebank | 115,00 | 0,00 % |
| Golden Energy Offshore Services | 1,59 | -0,25 % |
| Norva 24 Group* | 25,20 | -0,59 % |
| Hexagon Composites | 19,10 | -0,83 % |
| Arctic Bioscience | 9,08 | -1,30 % |
| Salmon Evolution | 6,44 | -2,28 % |
| Hofseth Biocare | 2,29 | -3,78 % |
| Atlantic Sapphire | 0,83 | -5,14 % |
| * Kurs i SEK |
Publisert: 18.03.2024 16:52
Sist oppdatert: 18.03.2024 17:00