Stor vekst for Firmenich-selskap

Frå og med reknskapsåret 2013 har Firmenich Bjørge Biomarin auka driftinntektene frå 91 til 152 millionar kroner.
Veksten held fram også i 2016/2017 viser årsmeldinga til selskapet. (Firmenich Bjørge Biomarin har avvikande reknskapsår, med reknskapsavslutning 30. juni.)
Det er større innpass i nye geografiske område for selskapet sine produkt som er hovudårsak til veksten, i følgje administrerande direktør Tormod Thomsen.

Proteinsatsing

Bedrifta på Ellingsøya har spesialisert seg på å utvinne smakstilsetningar fra fiskeråstoff, og har også stilt seg i spissen for eit større forskingsprodjekt på marine protein og peptidar (protein-delar) som ernæringstilskot, der fleire aktørar i den biomarine klynga Blue Martime er med.
Forskingsprojektet skal vare ut i 2019.

Solid sveitsisk mor

Ellingsøy-bedrifta har sidan 2002 vore eigd av det familieeigde verdsomspennande sveitiske Firmenich-konsernet, som produserer luktstoff, smaksstoff og kostttilskot. Utsikten for reknskapsåret 2017/2018 er gode, i følgje årsmeldinga. Selskapet ligg over budsjett.