Ventar pluss med full drift

Havila Kystruten hadde positivt driftsresultat før av- og nedskrivingar (ebtida) i både 2. kvartal og 1. halvår dersom dei ekstraordinære kostnadane ikkje blir rekna med, ifølgje selskapet sin delårsrapport for 1. halvår og 2. kvartal.

Dei ekstraordinærer kostnadane er kostnaden med å halde seg med mannskap til fire skip, sjølv om reiarlaga fekk dei to siste til 3. kvartal, juridiske kostnadar i samband med refinansieringa og arbeidet med å fri seg frå banda til sin opphavlege långiver, eit statseigd russisk selskap. I tillegg kom høge LNG-prisar.

Når desse kostnadane ikkje er rekna med er ebitda for 2. kvartal på 60 millionar kroner og for 1. halvår på 80 millionar. Det gir positivt driftsresultat også etter av- og nedskrivingar (ebit) i 2. kvartal, men minus i resultat før skatt.

For 3. og 4. kvartal i år reknar Havila Kystruten med positiv ebitda i begge kvartala.

Hittil i år har selskapet hatt eit gjennomsnittsbelegg på 60 prosent. Det er mindre enn selskapet hadde venta. Uvisse om levering av dei to siste skipa førte til avbestillingar i følgje selskapet.