ANALYSE

Steffen Møller-Holst frå Sintef og Nicolai Skogland frå Viking Cruise set seg inn Møller-Holst sin hydrogendrivne Toyota Mirai og forlet Geiranger og Grøn Fjord-konferansen like stille som ein elbil.
Begge leverte ein bodskap på konferansen som burde vere oppmuntrande for Knut Flakk - som var til stades - og resten av aksjonærane i Hexagon Composites.
Møller-Holst snakka mellom anna om å utnytte innestengt kraft frå område der det kan produserast straum - men der det ikkje er, eller er for svake, overføringsliner til å få straumen ut i marknaden.
For to vindparkar i Finnmark åleine - Raggovidda og Hamnefjell - er det gitt løyve på 320 MW. Men omlag to tredjepartar av denne produksjonskapasiteten blir ikkje bygd, fordi straumen ikkje kan seljast. Grunnen er for liten overføringskapasitet til sentralnettet. Brukt til å produsere hydrogen vil den straumen som ellers ikkje kan kome til nytte, tilsvare drivstoff til ein bilpark på 100.000 personbilar.
Hydrogenet kan puttast på tankar og fraktast ut til kundane. Ein mogleg kjøpar er nettopp Nicolai Skogland frå Viking Cruise. Viking Cruise har planane klare for å bygge verdas første hydrogendrivne cruiseskip - der utsleppa berre blir reint vatn.
Forurensingsfrie cruiseskip kjem til å bli viktig i framtida, etter reiarlaget si vurdering, kanskje til og med eit krav etterkvart.
Problemet for Skogland og kollegaene i cruisereiarlaget er mangelen på hydrogenproduksjon og mangelen på distribusjon. Infrastrukturen for å kunne ta i bruk hydrogen er rett og slett ikkje på plass. Enno.
Regelverket for bruk av hydrogen på skip er heller ikkje på plass, men der er Hexagon Composites og samarbeidspartnarar i gang med å få godkjent sine løysingar for lagring og bruk av hydrogen ombord, kunne Vegard Fredheim frå Hexagon Compsites fortelle på konferansen.
Mangelen på infrastruktur råkar og Møller-Holst. Med ei rekkevidde på 400-600 kilometer går det greit å køyre med hydrogenbil frå Trondheim til Geiranger. Men det er ingen fyllestasjonar på vegen, og Møller-Holst måte difor ta bilen heim til Trondheim med hurtigruta frå Ålesund.
Bergen og Oslo har óg fyllestasjonar for hydrogen. Men no er fleire fyllestasjonar på veg, og dermed kan hydrogenbilar bli eit alternativ også for andre enn spesielt interesserte.
Hydrogen er og på veg inn i tunge lastebilar, som er avhengige av mykje energi og å sleppe dødtid ved påfylling av energi.
På slutten av 2018 skal grossistselskapet Asko ha fire hydrogendrivne lastebilar på vegen, med ambisjonar om å få ein stor flåte av slike bilar. Drivstofftankane er frå Hexagon Composites, bygd av plast og karbonfiber.

Hittil er det tankar for naturgass til alt frå gassgrillar, via drivstofftankar til lastebilar til store lagertankar til mobile gasskraftverk, som har vore det viktigaste for Hexagon Composites. Fram til oljepriskrakket i 2014 gjorde store forventingar til at amerikanske lastebilar skulle gå over frå diesel til naturgass sitt til å drive aksjekursen oppover i Hexagon Composites.
Prisfallet på olje - og dermed dieselprisen - gjorde det mindre attraktivt å gå over til naturgass, og Hexagon-kursen fall frå 39 kroner i juni 2014 til under 13 kroner i september 2015.
Fram til desember 2016 hadde Hexagon Composites henta att mykje av det tapte, men deretter har det ikkje skjedd så mykje med aksjekursen.
Positive nyhende knytt til utviklinga i hydrogenmarknaden ser ikkje ut til å ha påverka investorane i Hexagon i løpet av 2017. Rett før jul 2016 var kursen på Hexagon Composites 23,50 kroner aksjen, fredag var kursen 23,30 og i mellomtida har det stort sett vore berre mindre svingingar.
Samarbeidet med norske og svenske om etablering av joint ventureselskapet - blei lansert i januar 2017. NEL lagar anlegg for hydrogenproduksjon og fyllestasjonar, PowerCell lagar brenselceller som lagar elektrisitet ved hjelp av hydrogen og oksygen, og Hexagon Composites lagar tankane som hydrogenet skal oppbevarast i.

I mars 2017 varsla Hexagon Composites at det .
I mai i fjor skreiv NETT NO at Fiskerstrand Verft samarbeider med Hexagon Composites om den planlagde bygginga av ei hydrogendriven ferje.

I løpet av året vil Fiskerstrand avgjere kven som skal levere brenselcellene til ferja, som får ombyggingsstart neste år. Brenselcellene omdannar hydrogen og oksygen til elektrisitet og Hexagon Composites-partnar Powercell er ein av fire kandidatar som knivar om oppdraget, i følgje konstruksjonssjef Kåre Nerem hos Fiskerstrand Verft.
Meldinga om at Asko satsar på hydrogendrivne lastebilar kom i august i 2017, saman med ei melding om at Hexagon Composites og skal levere tankar til Toyota sitt utviklingsprosjekt for hydrogendrivne lastebilar i USA.
I august 2017 varsla Hexagon Composites også om
Det kan sjå lyst ut for hydrogen, men det store kommersielle gjennombrotet - som banar veg for store investeringar i produksjon og distribusjon, er førebels ikkje på plass.
Det er er og uklart kvar grensa vil gå mellom når batteridrift eller hydrogendrift er best.

Men er det som skal flyttast på tungt nok, og distansen lang nok, vil hydrogen ha ein fordel kontra batteri.
Straks Hexagon Composites kan vise fram vekst i inntekter og lønsemd frå hydrogensatsinga, vil investorane truleg legge langt meir vekt på den enn dei gjer i sine verdivurderingar av selskapet i dag.