ANALYSEDet regionalt baserte investeringselskapet Novela har fått opp farta i år. I år har det gjort investering nummer tre og fire sidan starten i 2015 ( og geværskjefteprodusenten ).Fredag i denne veka arrangerte investeringsrådgivingsselskapet Converto - som er ein sentral aktør bak Novela - seminar om kjøp og sal av bedrifter. Dette gjorde dei saman med advokatfirmaet Adviso, som også satsar på transaksjonsmarknaden. Interessa var over all forventing. Før Novela kom på banen var det Oslo- og utanlandsbaserte fond som dominerte på investorsida når bedrifter på Nordvestlandet kom for sal eller skulle konsoliderast. er ein del av Saferoad-konsernet, med det svenske Nordic Capital Fund VII som aksjonær. er ei samanslåing av Optimar, Stette og Seaside, med Oslobaserte Credo Partners som sentral eigar. var og ei Credo-bedrift før den vart seld til svenske Lammhults Design Group.I Stryn ligg , som er i ferd med å bli eit nordisk selskap innan slamsuging, septik og avfallshandtering, etter at svenske Valedo Partners kom inn på eigarsida. Same investeringsselskap gjekk nyleg også inn i programvareselskapet System Konsult i Ålesund, med ambisjon om at også det skal utviklast til å bli ein nordisk aktør.Det er vanskeleg å sjå at Oslo- eller Stockholmsbaserte investeringsfond har vore ei ulukke for bedriften dei har involvert seg i.Men det er sannsynlegvis ein fordel at det også er eit regionalt investormiljø som blir ein aktør på Nordvestlandet.Lokalkunnskapen gir eit anna vurderingsgrunnlag enn eit investeringsmiljø som sit langt unna. Det opnar for at investeringsobjekt som fell gjennom hos investorar utanfor regionen, kan få ein sjanse hos investorar tettare på.Eit regionalt basert investormiljø som ein del av nettverket i næringslivet på Nordvestlandet kan også senka terskelen til å ta kontakt for bedriftseigarar som står føre generasjonsskifta eller sit med ekspansjonsplanar.Eit regionalt investormiljø er også eit poeng i seg sjølv, og gjer regionen meir attraktiv. Det betyr fleire jobbar og arbeidsoppgåver du ellers må til større byar for å få prøve deg i. Eit miljø er viktig fordi bedriftene som vil ha inn meir kapital og nye medeigarar ikkje berre er ute etter pengar. Kompetansen og nettverket er vel så viktig. Det er forskjell på å drive som aktiv og passiv investor. Ein passiv investor kan nøye seg med å handle på børsen, og ikkje ha kontakt med selskap ho eller han investerer i.I dei bedriftene som er omtalt i denne artikkelen er det aktive investorar, som involverer seg i drifta det handlar om.- Vi skal ha intelligent kapital, det er heilt avgjerande, sa dagleg leiar Oscar Haugen i GRS Riflestocks til NETT NO tidlegare denne veka. Eit snev av patriotisme oppe i det heile er heller inga ulempe, i alle fall ikkje så lenge patriotismen er eit snev av eit heile. Ein analyse Menon Business Economics gjorde for Norsk venturekapitalforening - bransjeforeininga for investeringsfond - i 2015, konkluderte mellom anna med at bedrifter som fekk investeringsfond inn på eigarsida fekk både høgare veksttakt og lønsemd etterpå . Ikkje så rart kanskje, sidan fonda jaktar nettopp på bedrifter med vekstpotensiale. Men det er uansett dei som kjem med pengane som får fart på veksten.Gunnar Carlson og kompanjongane Svein og Egil Skibenes i Måløy er stjerneeksempelet på kva eit lokalt basert investormiljø kan ha å bety. Å satse på Måløy som It-sentrum vil neppe kunne blitt klekt ut av andre, men i mai opnar eitt av Noregs største datalagringssenter i Nordfjord, nettopp som eit resultat av satsinga til Carlson og brødrene Skibenes.Alt av transaksjonar skjer ikkje i regi av investeringsselskap heller. , og skaper eit selskap som kan konkurrere i storleik med Optimarkonsernet i marknaden for utstyr til fiskeindustri, fiskebåtar og oppdrettsbransjen.Men slike transaksjonar skaper ein dynamikk i marknaden som kan utløyse nye transaksjonar. Om ikkje investorar utanfrå bedrifta kom inn i første omgang, kan dei spele ei rolle i neste omgang. Bjørn Meek i Bjørdal Industrier, til dømes, har no fått to store konkurrentar å bryne seg på, og utelukkar ikkje at Bjørdal Industrier framover kan kome til å vekse på anna vis enn berre i eigen regi.Det store oppmøtet på seminaret fredag signaliserer stor interesse for temaet også på Sunnmøre. Kanskje er det marknad for draumen til Trond l Lervik i ÅKP om å etablere eit forum som kan spleise investorar og gründarar. Det er berre bra om investormiljøa blir større enn berre Novela/Converto. Det er etterspørsel etter investorkapital og investorkompetanse også i mindre skala enn Novela har lagt opp til.