11.000 unge til konferanse i Ålesund

(NPK): Skuleelevar frå heile Møre og Romsdal skal 9. september på det som skal vere den største forskings- og teknologikonferansen i Ålesund. 11.000 er påmelde og fleire tusen er på venteliste.

Åstad for konferansen er Sparebanken Møre Arena i Ålesund.

– Like rammer gir ikkje alltid like føresetnader. Alle barn og unge er flinke til noko, men dei treng rett miljø for å vise det. Stiftinga Dale Oen Experience vil gi barn og unge sjansen til å lukkast på ulike arenaer ved å byggje meistring, livsglede og sjølvtillit, seier Robin Dale Oen, som står bak konferansen.

Han seier i ei pressemelding at dei ynskjer å så frø til neste generasjon. Det overordna temaet for konferansen er teknologi som formar framtida, forsking og ikkje minst det å tore å prøve og feile. Han fortel at dei har sikra seg nokre av dei beste føredragshaldarane internasjonalt og nasjonalt.

Blant dei som skal inspirere dei 11.000 er Sam Patel, leiar for StarShip i Space X, den yngste sørpolsfararen i Noreg, Hedvig Hjertaker og Josh Bernstein i Discovery/National Geographics. Andre føredragshaldarar er eks-politikar Erik Solheim og teknologen Tore Standal Eliassen.

– Målet for konferansen er å gi barn og unge trua på at dei kan nå draumane sine. Vi håper dei blir inspirerte av historiene dei høyrer, og at det også bidrag til at dei ser moglegheiter i regionen vår, seier Trond Nydal, administrerande direktør i Sparebanken Møre, som er medarrangør og hovudsamarbeidspartnar for Dale Oen Inspire.d