5,3 millionar til Vestnorsk fjordlandskap
65 millionar til verdsarvstadene.
Det skal delast ut over 65 millionar kroner til dei åtte norske verdsarvstadene, melder Riksantikvaren.
Kvart år får verdsarven i Noreg tilskot over statsbudsjettet. Klima- og miljødepartementet har hovudansvaret for oppfølging av dei norske områda på Unescos verdsarvliste.
Mykje av beløpet vil gå til bevaring av bygningar, veg og bryggjer. Bergkunst i Alta, Urnes stavkyrkje og Bryggen i Bergen er blant desse.
– Når smittevernsituasjonen igjen opnar for at vi kan reise i Noreg, håpar eg endå fleire vil oppsøkje desse verdifulle kulturmiljøa, seier klima- og miljøminister Sveinung Rotevatn (V).
Vestnorsk fjordlandskap, inkludert Geirangerfjorden, får totalt 5,3 millionar.
Riksantikvaren opplyser at i Vestnorsk fjordlandskap går eksempelvis mykje av tilskota til istandsetting av bygg, konstruksjonar (for eksempel vegar og brygger) og andre spor etter busetnad.
Publisert: 08.03.2021 18:13
Sist oppdatert: 08.03.2021 18:17