Auka beredskap i Møre og Romsdal

Etter at to pasientar og to tilsette har testa positivt for korona, blir Volda sjukehus stengt for besøkande, opplyser Helse Møre og Romsdal i ei melding. Smitten er oppdaga ved to ulike seksjonar, og all aktivitet her er utsett.

Tysdag melder også helseforetaket at beredskapen blir heva til grønt nivå. Årsaka er fleire innlagte covid-smitta pasientar og meir press på kapasiteten ved sjukehusa.

24 pasientar er tysdag innlagt med koronasmitte ved Ålesund og Molde sjukehus, ifølgje meldinga frå helseforetaket.