Badstove er bra
Det viser finsk studie.
Forskarar meiner at badstovebading er ei livsstilsendring som burde bli gjort tilgjengeleg for fleire, da det aukar opptaket av oksygen i blodet og styrker hjartet.
Det skriv forskning.no.
Det er forskarar i Finland som har utført ein studie over åtte veker med tre ulike grupper: Ei som trener, ei som trener og går i badstove og ei som ikkje gjorde noko.
Forskinga viste at dei som trena og dei som trena og gjekk i badstove, alle hadde auka oksygenopptaket, samanlikna med dei som ikkje gjorde noko.
Dei som hadde gått i badstove, hadde aller størst auke i opptaket av oksygen i blodet. Dette er positivt i forhold til å førebyggje hjarte- og karsjukdom.
I tillegg fekk dei redusert både blodtrykket og kolesterolet i løpet av desse vekene. Dei som berre trena hadde ingen signifikante endringar i blodtrykk og kolesterol.
Forskarane meiner at studien også tyder på at det ikkje er farleg for folk med risiko for hjarte- og karsjukdommar å bruke badstove.
Dei som allereie har ein hjartesjukdom, blir derimot framleis åtvara mot badstove, ifølgje nhi.no.
Publisert: 11.08.2022 04:45
Sist oppdatert: 11.08.2022 04:46