Bank-avtale for Herøy

Sparebank 1 Søre Sunnmøre vann anbodskonkurransen om hovudbankavtale med Herøy kommune.

Avtalen gjeld frå 1. september 2021 og varer i tre år, med høve til å forlengje den med eit pluss eitt år.

Noverande hovudbank for kommunen er Danske Bank, som har vore hovudbank i dei to siste anbodsperiodane.

Kommunedirektør Trond Arne Aglen er glad for at ein lokal bank vann fram i anbodskonkuransen.

- Det vil skje så mykje viktig i kommunen framover med kommunale investeringar og næringsutvikling. Det er derfor viktig at vi har ein god dialog med banken framover, seier Aglen i ei pressemelding.