Barbert overskot for båtbyggjarar

Salthammer Båtbyggeri i Vestnes held fram med rekordhøg omsetning, viser rekneskapen for 2023 som no er offentleg.

Inntektene gjekk ned eit lite hakk frå rekordomsetninga i 2022, men heldt seg over 190 millionar.

Lønnsemda fekk seg samtidig ein knekk i løpet av fjoråret. Etter 2022 leverte verftet rekordoverskot, men både driftsresultatet og resultat før skatt fall betydeleg i 2023 (sjå tabell under).

Året enda likevel med pluss og verftet kan overføre kring 1,7 millionar til eigenkapitalen på nær 38 millionar. Selskapet har langsiktig gjeld på knappe 800.000 kroner.

Salthammer Båtbyggeri sin største eigar er L H Salthammer Båtbyggeri Eiendom, med 95,5 prosent av aksjane. Skipsverftet er den største verksemda i L H Salthammer Båtbyggeri Eiendom-konsernet. Konserntala er ikkje offentleg enno.