Båtbyggjar ga opp drifta

Møre og Romsdal tingrett opna torsdag konkurs i selskapet Barents Solutions i Ulstein.

Ifølgje rettspapira er verksemda innstilt og det er opplyst å vere ei gjeld på 400.000 kroner.

Selskapet starta med å bygge båtar på Fiskåholmen i Vanylven og flytte seinare til Ulsteinvik. I 2022 leverte dei sitt byggenummer to, Frøyhav, som var ein kombinert snurpar og snurrevadbåt.

Inntektene har variert kraftig frå 158.000 kroner i 2021, då dei ikkje leverte nybygg – til nær 48 millionar i 2022 – då fiskebåten blei levert.

Eigenkapitalen ved utløpet av 2022 – som er det siste rekneskapen for selskapet – var negativ med drygt 200.000 kroner.