Comeback for fjordhotell

Inntektene for Olden Fjordhotell gjorde eit hopp i fjor.

Omsetninga auka frå 4,4 millionar i 2020, til 6,2 millionar kroner i fjor. Aktiviteten var dermed tilbake på nivået frå tidlegare år.

Resultatet enda med eit pluss på drygt 35.000 kroner for verksemda som sysselsette ni årsverk i fjor.

Det noverande driftsselskapet blei oppretta i 2018 med Birger og Einar Løken på eigarsida. Eigenkapitalen i fjordhotellet er knappe 600.000 kroner og gjelda er på drygt to millionar.