Doktorgradsutdanning i Volda

NPK: Sidan 2014 har Høgskulen i Volda (HVO) hatt ei fellesgrad i helse- og sosialfag i lag med Høgskolen i Molde. No har HVO fått si fyrste eigne doktorgradsutdanning.

Det vart vedteke av styret i Nasjonalt organ for kvalitet i utdanninga (NOKUT) onsdag, skriv NOKUT i ei nyheitsmelding.

Doktorgradsprogrammet skal heite "Utdanning, språk og kultur", og gjev HVO utvida fullmakter til å opprette utdanningar på masternivå. Programmet er tett knytt til utdanningsvitskap og lærarutdanninga i Volda, som har funnest i over 100 år.