Ein stranda død sel vart funnen med plast om halsen i fjæra på Nordfjordeid.

Personen som fann ein død sel i fjæra på Nordfjordeid, oppdaga at selen hadde eit djupt sår frå ei plasttrakt rundt hovudet, skriv NRK. Fjordabladet skreiv om saka først.

– Dette skjer meg langt inn i sjela. Dette viser at vi er nøydde til å satse meir på opprydding, seier lokallagsleiaren i Naturvernforbundet på Nordfjordeid, Thorleif Jakobsen, til kanalen.

– Ute av syne, ute av sinn er ei tilnærming vi har hatt til plastforsøpling. Men no startar nokre av dei stakkars dyra å kome tilbake med plasten, og det viser at vi har eit kjempeproblem. Denne selen er eit godt eksempel på det, seier Terje Lislevand, førsteamanuensis på universitetsmuseet i Bergen, til NRK.

I 2017 vakte det stor oppsikt då ein kval med magen full av plast vart funnen stranda på Sotra utanfor Bergen. Funnet skapte eit stort engasjementet mot plastforsøpling.