Entreprenør med 12 tilsette konkurs

Entreprenørselskapet Longva Anlegg med adresse i Bråttvåg har meldt oppbod til Sunnmøre tingrett som har opna konkurs. 

Ifølgje rettspapira var gjelda i selskapet på drygt 9,4 millionar kroner og verdiane er anslått til fire millionar. 

Tingretten har fått opplyst at verksemda framleis er i gong og at fire tilsette er sagt opp, medan åtte tilsette ikkje er sagt opp. 

Selskapet vart registrert i 2023 og omsette for nær 20 millionar i 2024. Rekneskapen same år enda med underskot på nær 1,7 millionar og eigenkapitalen var då i minus.

Anne N. Hovde er bustyrar for saka og første skiftesamling er planlagt 23. mars.