Får legge meir asfalt

Regjeringa si nye tilskotsordning til utbetring av fylkesvegar gjer at Møre og Romsdal fylkeskommune kan legge om lag 32 km meir asfalt på dei mest trafikkerte fylkesvegane i år enn det som var planlagt. Det opplyser fylket i ei pressemelding.

Totalt får fylkeskommunane 290 millionar kroner gjennom ordninga. Det er venta at Møre og Romsdal sin andel blir om lag 29 millionar kroner. Tilskotet kjem i tillegg til fylkeskommunen sitt ordinære asfaltbudsjett på 55 mill. kr, som gir asfaltering av 84,7 km fylkesvegar og 30 mill. kr som gir forsterking av 27,5 km fylkesvegar.

- Vi prioriterer dei ekstra midlane til dei dårlegaste strekningane med mest trafikk. Det gjer at mange trafikantar vil merke effekten av at vi har fått ekstra midlar til asfalt, seier Kristin Sørheim, som er leiar av samferdselsutvalet i Møre og Romsdal fylkeskommune.

Tilskotet er planlagt brukt på desse vegane

• Fv. 64 Atlanterhavsvegen, Averøy og Hustadvika kommune, 7056 m
• Fv. 64 Hamre-Frøyset, Rauma kommune, 5754 m
• Fv. 64 Nebbetunnelen-kryss fv. 5994 Hensvegen, Rauma kommune, 4614 m
• Fv. 64 Raumabrua kryss E136-Vangen rundkøyring, Rauma kommune, 616 m
• Fv. 661 Digernesskiftet-Stettetunnelen, Ålesund kommune, 2771 m
• Fv. 60 Aursnes-Ullavika, Sykkylven kommune, 2067 m
• Fv. 60 Kjølen-Korsbakken (Strandafjellet), Stranda kommune, 2699 m
• Fv. 60 Korsbakken-Habostad, Stranda kommune, 2532 m
• Fv. 61 Gurskebotn-Drageskaret, Sande kommune, 2971 m