NPK-NTB: Bruttonasjonalprodukt (BNP) for Fastlands-Noreg steig 0,6 prosent i juni-august frå førre tremånadersperiode. På seinsommaren tørka oppgangen ut.
Fastlands-BNP fall med 0,2 prosent frå juli til august, viser tala frå Statistisk sentralbyrå (SSB).
Nedgangen i fastlands-BNP i august kjem av ifølgje SSB først og fremst av svake tal for jordbruk, på grunn av den langvarige tørken i sommar, og i fiskerinæringa. Nedgangen i fiskeri må ein likevel sjå i samanheng med at det var ein kraftig oppgang månaden før.
Det største bidraget til tremånadersveksten i Fastlands-BNP kom frå fiskeoppdrett, tenester knytt til IKT og informasjonstenester og forretningsmessig tenesteyting. Bygg og anlegg bidrog også positivt saman med industri og bergverk.
Forbruket i hushalda steig med 0,2 prosent i perioden juni, juli og august. Den svake veksten kjem av sterk nedgang i varekonsumet. Bilkjøp i august trekte opp etter svake tal månaden før, men varekonsumet åleine hadde ein nedgang på 1,4 prosent i denne perioden.
Forbruket i offentleg forvaltning viser ein stabil vekst og auka med 0,4 prosent i perioden.
Fastlands-BNP fall med 0,2 prosent frå juli til august, viser tala frå Statistisk sentralbyrå (SSB).
Nedgangen i fastlands-BNP i august kjem av ifølgje SSB først og fremst av svake tal for jordbruk, på grunn av den langvarige tørken i sommar, og i fiskerinæringa. Nedgangen i fiskeri må ein likevel sjå i samanheng med at det var ein kraftig oppgang månaden før.
Det største bidraget til tremånadersveksten i Fastlands-BNP kom frå fiskeoppdrett, tenester knytt til IKT og informasjonstenester og forretningsmessig tenesteyting. Bygg og anlegg bidrog også positivt saman med industri og bergverk.
Forbruket i hushalda steig med 0,2 prosent i perioden juni, juli og august. Den svake veksten kjem av sterk nedgang i varekonsumet. Bilkjøp i august trekte opp etter svake tal månaden før, men varekonsumet åleine hadde ein nedgang på 1,4 prosent i denne perioden.
Forbruket i offentleg forvaltning viser ein stabil vekst og auka med 0,4 prosent i perioden.
Publisert: 09.10.2018 11:20
Sist oppdatert: 10.02.2021 15:37
