Fall i norsk industriproduksjon

(NPK-NTB): Norsk industriproduksjon er på veg ned. Pila peikar nedover, og frå januar til februar fall produksjonen ytterlegare.

Fallet var på 1,1 prosent, viser sesongjusterte tal frå SSB.

Utviklinga i norsk industri er fallande ifølgje SSB, sjølv om det er ein del variasjon frå månad til månad.

I tremånadersperioden frå desember 2023 til februar fall indeksnivået til 99,5 frå 99,8 mot førre tremånadersperiode.

Størst nedgang var det i næringsgruppa oljeraffinering, kjemisk og farmasøytisk industri med ein nedgang på 5,1 prosent.

Trelast- og trevareindustrien kunne derimot vise til positive tal, dei hadde ein vekst på 1,2 prosent.

Trass fallet i industrien auka industriomsetninga med 0,6 prosent frå januar til februar.

SSB -tala viser at næringsmiddelindustrien trekte den samla omsetninga ned med nedgang på 5,1 prosent, medan bygging av skip og oljeplattformer stod for det største positive bidraget i perioden med ein oppgang på 17 prosent.

(©NPK)