Fin vekst for kreativt studio

Ålesund-selskapet LD Studio vart starta opp i 2019 av Ann Sylvia og Georg Deocariza. Dei flytta tilbake til heimbyen og ville skape sin eigen arbeidsplass etter å ha jobba fleire år i utlandet.

I 2020 etablerte dei eit kreativt studio i Nedre Strandgate i Ålesund, og seinare i Storgata i Kristiansund.

LD Studio tilbyr ei lang rekke tenester, som filmproduksjon, webdesign og innhaldsproduksjon.

I fjor sysselsette selskapet elleve årsverk, og er i ferd med å skalere opp aktiviten og talet på tilsette, ifølgje heimesida.

Den samla eigenkapitalen er på 0,2 millionar kroner, og den langsiktige gjelda null.