Fiskeriministen rakk ikkje fram

Stygt vêr hindra fiskeri- og havminister Marianne Sivertsen Næss frå rekke fram landsmøtet til Norges Fiskarlag i dag. 

Ho kom seg ikkje i lufta i tide.

Hennar innlegg blir i staden framført av statsekretær Kristina Hansen (Ap).

Sivertsen Næss skulle halde talen sin under programposten "Forutsigbar fiskeripolitikk og stabil ressursfordeling".

Det er eit tema som går rett inn i det store stridsspørsmålet på landsmøtet, konflikten om omfordeling av fiskekvoter og at underorganisasjonen Fiskebåt vurderer å melde seg ut.