Fjordenes Tidende årets lokalavis

(NPK): Fjordenes Tidende er kåra til Årets lokalavis. «Heia fram av inkluderande leiarar har ein hardtarbeidande redaksjon og ei kreativ salsavdeling levert eit resultat som står seg mot kven det måtte vere», uttalar juryen om avisa som kjem ut i Måløy.

Prisen vart delt ut under landsmøtet i Landslaget for lokalaviser (LLA) i Ålesund laurdag.

Juryen roser Fjordenes Tidende for måten dei dyrkar fram dei nye formata på, med podkast, streaming, studiosendingar og aktiv bruk av sosiale medium. Avisa får skryt for å prioritere nett, samtidig som papiravisa blir opplevd som eit premiumprodukt.

Kulingen og Vest-Telemark blad fekk heiderleg omtale i konkurransen om å bli Årets lokalavis.

I tillegg til Årets lokalavis vart desse hovudprisane delte ut.

• Årets lokalavisfoto: Elias Dahlen, Hallingdølen
• LLAs marknadspris: Hordaland Folkeblad
• LLAs journalistprisar: Hallingdølen og Sara Finne med kollegaer i Avisa Hordaland
• Årets digitale satsing: Frostingen
• Årets lokalavisside: Hallingdølen

Fredag fekk Hilde Dypaune, tidlegare Saltenposten i Fauske, LLAs heiderspris.

Øystein Øygarden, Vest-Telemark blad, vart attvald som styreleiar i LLA. Øygarden har med seg desse i styret: Tone Sidsel Sanden, Dølen, (nestleiar), Camilla Skaar, Hordaland Folkeblad, (nestleiar), Knut Martinsen, Avisa Hemnes, Trude Hiller, Steinkjer-Avisa, Svend Arne Vee, Firdaposten og Lillian Holden, Hallingdølen.

Varamedlemmer: Reidar Hystad, Sunnhordland, (fast møtande), Liv Maren Mæhre Vold, Alvdal midt i Væla og Christopher Johansen, Vennesla Tidende.

(©NPK)