Fjøsbygging kraftig på etterskot

NPK: Omleggingstakten frå båsfjøs til lausdriftsfjøs må doblast om alle skal halde fram drifta etter 2034. Tine slår alarm om at vi mister for mange mjølkebruk.

Frå og med 2034 er det påbod om at kyr ikkje lenger skal stå i bås, men kunne gå fritt.

Om alle dagens båsfjøs skal bli lausdriftsfjøs innan då trengst det 330 nye fjøs i året, men i år ligg det an til at byggetakten blir på rundt det halve, ifølgje tal frå Innovasjon Noreg, som så langt i år har gitt investeringsstøtte til 161 fjøs.