Fleire elevar vel yrkesfag

NPK-NTB: Meir enn 34.500 elevar har fått plass på yrkesfag når dei byrjar på vidaregåande denne hausten. Delen er større enn han har vore dei siste åra.
Totalt er det i underkant av 69.500 elevar som skal byrje på det første året i vidaregåande opplæring i haust, og for første gong på mange år er det like mange som byrjar på studiespesialisering og yrkesfag. Dei fire siste åra har yrkesfag-delen lege på mellom 48 og 49 prosent.