Fleire fiskarar sel til Danmark

(NPK): Fleire fiskebåtar har denne hausten levert fangsten sin til dansk industri framfor den norske, der silda blir selt på auksjon.

– Me forventar ein mykje større lojalitet til norsk fiskeindustri, seier Geir Ove Ystmark i NHO-foreininga Sjømat Norge til Fiskeribladet.

Ifølgje Fiskeribladet sine berekningar blir silda seld for minst éi krone meir per kilo i Danmark.

Ystmark meiner fiskarane som sel til danskane ikkje forstår samfunnskontrakten sin, medan fiskarar bladet har snakka med, meiner dei berre følgjer marknaden.

– Dette er ei veldig tydeleg oppmoding om at vi forventar ein mykje større lojalitet til norsk fiskeindustri. Dei må sjå at fiskeindustrien kjem i ein større skvis no med store kvotekutt, seier Ystmark til Fiskeribladet.

(©NPK)