Forlengjer lokale tiltak

Kommunane Ålesund, Sula og Giske forlengjer dei lokale tiltaka fram til 18. mai.

Det betyr mellom anna stengde treningssenter og aktivitetsparkar og skjenkjestopp og forbod mot arrangement, heiter det i ei pressemelding.

Kommunane endrar samtidig dei lokale råda slik at dei no følgjer dei nasjonale råda – som er tiltaksnivå B.

Dermed blir rådet om maksimalt gjesttal i private heimar på same dag endra frå to til fem, skriv Sunnmørsposten.

– Erfaringa viser at det tek om lag to veker å lukke utbrot som er i gang, så vi treng tida fram til 18. mai, seier kommuneoverlege Olav Mestad i Ålesund.