Frå i dag er det slutt på lensmenn

I samsvar med vedtak i Stortinget og føringar frå Justisdepartementet, innfører Møre og Romsdal politidistrikt kjønnsnøytrale funksjonstitlar frå mandag 12. juli.

Dette opplyser politidistriktet i ei pressemelding.

Hilde Sæter Aglen, Arnfinn Fuglevåg, Olav Halse, Roar Mordal Hilde, Oddbjørn Myklebust, Jorunn Grete Lyngstad Pettersen, Tor Sæther og Hallvard Vermøy får no endra sin funksjonstittel frå lensmann til politistasjonssjef.

Fra same tidspunkt vil namna på lensmannsdistrikta bli endra slik:

• Hustadvika politistasjonsdistrikt
• Indre Nordmøre politistasjonsdistrikt
• Indre Sunnmøre politistasjonsdisstrikt
• Smøla og Aure politistasjonsdistrikt
• Surnadal politistasjonsdistrikt
• Søre Sunnmøre politistasjonsdistrikt
• Ulstein og Hareid politistasjonsdistrikt
• Vestnes og Rauma politistasjonsdistrikt

Endringar av namna på tenestestadane (lensmannskontora) vil bli sette i verk seinare.