Framskundar andre dose i Ålesund

Ålesund kommune har fleire ledige vaksinetimar og oppmodar alle som ikkje har fått første vaksinedose, om å bestille time, ifølgje ei melding frå kommunen.

Samtidig vert vaksinering med andre dose framskunde parallelt, opplyser kommuneoverlege Olav Mestad i meldinga.

Kring 82 prosent av alle over 18 år i kommunen har no fått første dose med koronavaksine.

Ålesund kommune fekk seint søndag meldt fire nye smittetilfelle.

Totalt er det no 80 personar i isolasjon i Ålesund kommune og kring 300 i karantene, ifølgje statusoppdateringa frå kommunen.