Færre vil ut og flyge

Sidan toppen i starten av oktober har talet på bestillingar av flybillettar på Finn.no falle med meir enn 30 prosent.

Tala er oppdaterte søndag, skriv Dagens Næringsliv.

– Bestillingane går tregare og nivået er igjen lågare enn før pandemien. Eg trur det har samanheng med smitteauken og medietrykket om smitten, seier kommersiell direktør Terje Berge i Finn Reise.

Bestillingane var på topp i veke 40. Oversikta viser både innanlands- og utanlandsreiser, og det er særleg sistnemnde som fell.