Gamle Kvalstein til sals

Gamle Kvalstein er lagt ut til sals på Finn.no.

Båten har sidan 2010 vore eigd av Torstein Kvalsvik i Kvalsvika. Han er soneson til Marius Kvalsvik, som fekk bygt båten ved Sletta Båtbyggeri.

På heimesida vert det opplyst at båten i 1969 kosta 900 000 kroner. Kvalstein var på loddefiske med trål vinteren 1971, seinare same år vart det tråling på heiltid.

Kvalstein-karane kjøpte ny Kvalstein av stål i 1974, og trebåten vart seld til Karmøy, og fekk namnet Krusing.

Båten var fiskebåt fram til 1993 då han blei kondemnert . Båten har etter det blant anna vore på ekspedisjon nord om Svalbard, vore bøyevakt i Nordsjøen og i mange år opplæringsfartøy for Austevoll fiskerifagskule.

I august 2010 kjøpte Torstein Kvalsvik båten av Austevoll kommune for 100 000 kroner, og sette i gang eit omfattande restaureringsarbeid.

Gamle Kvalstein er 25,62 meter lang og har ei bruttotonnasje på 130 tonn.