Geiranger-camping i pluss

I 2021 tapte Geirangerfjorden Feriesenter pengar som følgje av korona og redusert antal gjester, men i fjor var selskapet tilbake i pluss. Resultatet før skatt enda på 0,6 millionar kroner av ei omsetning på 6,5 millionar.

I tillegg til camping har feriesenteret 13 hytter, der fleire har vorte oppgraderte siste åra.

Selskapet sysselset fire personar, og har ein eigenkapital på 1,7 millionar kroner og ei langsiktig gjeld på 2,2 millionar.

Hovudeigar er Finn Magne Grande, medan sonen Adrian Dyrhaug Grande er dagleg leiar.