God start på 2024 for Ulmatec-selskap

Starten på 2024 har vore god for Ulmatec Handling Systems.

Selskapet, som er ein del av Ulstein Marine Technology (Ulmatec), har mellom anna nyleg inngått to større kontraktar for såkalla LARS-system (launch and recovery systems), som blir brukt ved utsetting av fjernstyrte ubåter fra subseaskip.

Subseaskip blir brukt av oljebransjen for operasjonen på havbotnen.

Den eine kontrakten omfattar tre slike system til skip i DOF-flåten, den andre to slike system til selskapet C-Innovation, skriver Ulmatec i ei pressemelding.

Kommersiell direktør (CCO) Bjørnar Nesset i Ulmatec Handling Systems vil ikkje kommentere tal, men seier ordreinngang i første halvår er den beste selskapet har hatt på veldig mange år.

Oppsvinget kom tidleg i vinter, og har halde fram.

- Det byrjar å skje ein heil del ting i subsea, seier han.