God vekst for Prosess Industri

Selskapet Prosess Industri vart starta i 1994 og held til på Flatholmen i Ålesund.

Selskapet er store på levering av utstyr til salt- og klippfiskindustrien og innan handtering og behandling av salt. I tillegg til dette leverer også Prosess Industri skreddersydde tenester og løysingar til andre næringar som for eksempel mat- og næringsmiddelindustrien. Bedrifta har avdelingar for prosjektering, design og utvikling av både mekanisk og elektrisk utstyr.

Prosess Industri har i dag 25 tilsette, derav 10 ingeniørar, 13 fagarbeidarar og tre tilsette med administrative oppgåver.

Selskapet har ein samla eigenkapital på 14,9 millionar kroner, og null i langsiktig gjeld.

Selskapet er eigd 50 prosent av Oddgeir Berge og 50 prosent av Pyrofabrikken ved Palmar, Andrë og Ove Bjørnøy.