Godt år for hud og laserklinikk

Hud- og laserklinikken i Ørsta vart starta opp av spesialsjukepleiar Merete Hjellen Mork i 2005. Ho er i dag eineeigar og dagleg leiar av klinikken, som held til i Ørsta Torg i sentrum.

Selskapet sysselsette i fjor to årsverk, men i teamet er det ifølgje heimesida ni medarbeidarar, inkludert sjukepleiarar, plastikk kirurg, spesialist i gynekologi, medisinsk ansvarleg lege og anestesilegar.

I 2022 omsette selskapet for 8,1 millionar kroner, 1,5 millionar meir enn året før. Resultatet før skatt enda på 1,2 millionar, ein million meir enn i 2021. Samla eigenkapital er på 0,6 millionar kroner, og Hjellen Mork kunne for fjoråret ta utbyte på 1,5 millionar kroner.