Godt år for lite verksted

Hasund Mek. Verksted har historie tilbake til 1947, og har bygd ei rekkje fartøy. Siste åra har verkstedet i stor grad drive med underproduksjon av ulike stål- og aluminiumskonstruksjonar til andre verft og maritime bedrifter i regionen.

I 2022 vart det eit godt år, med omsetning på 11,6 millionar kroner, og eit resultat før skatt på 1,6 millionar. Ein må tilbake til 2013 for å ha høgare omsetning.

Selskapet har ein eigenkapital på 6,0 millionar kroner, og sysselsette i fjor fire årsverk.

Øyvind Hasund er største aksjonær, saman med Vegard Hasund og Bjørg Karin Hasund.