Godt år for Øverbøe Gjørtz

Advokatfirmaet Øverbøe Gjørtz omsette for 61,8 millionar kroner i fjor. Driftsresultatet vart solide 17,2 millionar kroner, og resultatet før skatt så vidt i pluss etter overskotsdeling.

Selskapet sysselsette i fjor 34 årsverk, og med totalt rundt 40 medarbeidarar er Øverbøe Gjørtz det største advokatfirmaet mellom Trondheim og Bergen.

Advokatane bistår næringsliv, privatpersonar og offentleg sektor med juridisk rådgivning og prosedyre innanfor dei fleste rettsområde.

Selskapet har kontor i Ålesund, Molde, Kristiansund og Ørsta – i tillegg til eit filialkontor på Sunndalsøra.

Advokatfirmaet Øverbø Gjørtz blei danna i 2013 ved ei samanslåing mellom to tradisjonsrike advokatmiljø: Øverbø Standal & Co i Molde/Kristiansund og Gjørtz & Co i Ålesund/Ørsta.

Selskapet har ein samla eigenkapital på 9,7 millionar kroner, og 0,9 millionar i langsiktig gjeld.

15 av dei tilsette er aksjonærar i selskapet, med 6,25 prosent eigardel. I tillegg eig selskapet eigne akjar, og kjøper aksjar frå partnerar som går ut, og sel til nye som kjem inn.