Greenpeace-kontrakt for Hexagon Purus

Det er Hexagon Purus sitt datterselskap Hexagon Purus Maritime i Langevåg som har inngått avtalen.

Greenpeace skal bygge eit 75 meter langt fartøy hos Freire Shipyard i Spania. skipet skal teste ut fleire alternative energikjelder for skipsfarten og skal mellom anna utrustast med tankar og system for bruk av hydrogen som energiberar. Det utstyret skal Hexagon Purus Maritime levere.

Kontrakten er på omlag 29 millionar kroner. Utstyret skal leverast i 2027.

I tillegg til hydrogen skal skipet utrustast for å bruke e-metanol (metanol framstilt ved hjelp av elektrisitet frå fornybare energikjelder), og får også segl og solceller.