Har passert 5.600 hurtigladarar

– Dette er gode nyheiter, seier Christina Bu, generalsekretær i Norsk elbilforeining.

Noreg bør ha 9 000 hurtigladarar i 2025 og 11 000 i 2030, ifølgje kunnskapsgrunnlaget til den nye ladestrategien til regjeringa.

21. desember talde vi heilt nøyaktig 5631 hurtigladarar i Noreg. Det betyr éin hurtigladar pr. 106 elbilar.

– I fjor var eg bekymra, men no er vi på rett veg. Det er viktig at dei private ladeselskapa held fram med å byggje ut hurtigladarar i høgt tempo, men for å få god nok kapasitet, må enkelte flaskehalsar i straumnettet fjernast, seier Bu.