Hexagon-kontrakt i Jordan

Hexagon Composites opplyser i ei børsmelding at dotterselskapet Hexagon Agility har signert ein fleirårig avtale med jordanske Manaseer Oil and Gas, som står bak ei kjede av fyllestasjonar i Jordan.

Hexagon Agility skal levere transportløysingar av komprimmert naturgass til industrielle kundar som i dag manglar tilknytning til gassleidningsnettet.

Hexagon opplyser at satsinga gjer at ein kan transportere 2,5 gongar meir gass enn ved å bruke ståltankar til å transportere gassen.