Hofseth med millionkjøp

Hofseth International har kjøpt 435.207 aksjar i Hofseth Biocare til 2,80 kroner aksjen. Det kjem fram i ei børsmelding måndag.

Selskapet som er eigd av Roger Hofseth måtte ut med kring 1,2 millionar for aksjane.

Som følgje av kjøpet kontrollerer no konsernsjefen, og selskap knytt til han, drygt 32 prosent av aksjane i bioteknologiselskapet.

Aksjen fall med kring fem prosent etter handelen blei kjent, til 2,66 kroner aksjen. Investorane prisar selskapet til 1,05 milliardar kroner med den kursen.