Møre og Romsdal tingrett har måndag opna konkurs i Heim og Farge As, etter at det blei meldt oppbod frå styret.
Bustyrar i saka er Jørund Knardal og første skiftesamling er planlagt 17. mars.
Selskapet, som har stått bak drifta av Jernia-butikken, har ei gjeld på kring 3,2 millionar kroner og verdiar for 2,8 millionar, ifølgje rettspapira.
Verksemda som hadde fire tilsette, er no innstilt.
Selskapet har omsett for mellom fem og sju millionar kroner dei siste åra. Fire av dei fem siste åra har enda med underskot og eigenkapitalen var tapt ved utløpet av 2023, viser rekneskapane.
Publisert: 27.01.2025 15:10
Sist oppdatert: 27.01.2025 15:10