Kan bli makrellkrise på Island

Fiskistofa, som er Islands svar på Fiskeridirektoratet, har tal som viser at Island til i år har fiska 56.200 tonn makrell. Dette er knapt 38 prosent av ein total tillate kvote på 148.000 tonn inklusiv overføringar frå i fjor. Det står igjen å fiske 91.600 tonn. 11.300 av desse tonna er allereie overførte til neste år, slik at det reelt står igjen å fiske 81.200 tonn, skriv Fiskeribladet.no.

Sjølv om kvoteåret blir avslutta 31. august, får dei islandske fiskarane fiske vidare på årets makrellkvote ut året.

– Island har i fleire år hatt problem med å fiske kvotane sine som i praksis betyr eit fritt fiske etter makrell for heile flåten. Årets fangsttal til no, viser at problema i år er minst like store som før, seier Audun Maråk i Fiskebåt til Fiskeribladet. Han beklagar ikkje at islendingane slit med dei store kvotane sine.

– La oss håpar dei ikkje kjem i mål, slik Island saman med Grønland og Russland har teke seg til sett i makrellkvotefordelinga, som ikkje er samsvarande med rettane dei har her, seier Maråk.

Uttalen føyer seg inn i dei sterke skytsa som har komme mellom blant anna Noreg og Island over fleire år utan avtale om internasjonal fordeling av makrellen.

Noreg har ein makrellkvote på totalt 309.000 tonn i år og har til no fiska 12.500 tonn.