Kan vere fleirtal for å lausrive Haram

(NPK): Organisasjonen «Haram ut av Ålesund» hevdar å ha 4500 underskrifter for ei «reversering av tvangssamanslåinga med Ålesund».

Det opplyser talsperson Harald Nordang for organisasjonen til Sunnmørsposten.

I gamle Haram er det ifølgje Nordang rundt 7.000 som kan stemme ved offentlege val. Dermed kan det vere fleirtal blant innbyggjarane for ei lausriving.

– Oppløysing av kommunar har skjedd andre stader. Men det må vere opp til folk i gamle Haram å få uttale seg. Det er Stortinget som kan vedta oppløysing, og som også kan hjelpe til med prosessen, seier Nordang.

(©NPK)